"Məhz öz coğrafi mövqeyimizə görə biz bütün rabitə vasitələrini inkişaf etdirmək və qlobal informasiya sistemi yaradılmasında irəliləyişi təmin etmək üçün misilsiz imkanlara malikik"

Heydər Əliyev

"İnsanların işləməsi, fəaliyyət göstərməsi, dövlət orqanlarının, ayrı-ayrı özəl qurumların, hər bir təşkilatın səmərəli işləməsi üçün rabitə indi çox mühüm bir vasitədir"

Heydər Əliyev

"Rabitəçilərin vəzifəsi bütün rabitə növlərinin, xüsusən telefon rabitəsinin iş keyfiyətini daha da yüksəltməkdən, əhalinin ehtiyac və tələbatına daha çox fikir verməkdən ibarətdir"

Heydər Əliyev

"Son illər Azərbaycanda rabitənin inkişafı sürətlə gedir və aparılan işlər, əldə olunan nəticələr təqdirəlayiqdir"

Heydər Əliyev

"İndiki zamanda rabitə hər bir insan üçün ən çox lazım olan bir vasitədir"

Heydər Əliyev

Birləşmiş Ərəb Əmirliklərində dünyanın ən böyük günəş elektrostansiyası inşa ediləcək

Masdar və Emirates Water and Electricity Company (EWEC) şirkətləri dünyanın ilk irimiqyaslı layihəsinin işə salındığını elan ediblər. İşə salınmış layihə özündə günəş batareyaları ilə enerji saxlama sistemlərini birləşdirir və o, 24/7 ərzində Əbu-Dabini elektrik enerjisi ilə təmin etmək üçün nəzərdə tutulub. Layihə 5.2 giqavat gücündə günəş elektrostansiyasının və 19 giqavat-saat həcmli enerji saxlama sisteminin inşasına hədəflənib. Bu öz növbəsində bərpa olunan enerji mənbələrindən gündəlik 1 giqavat enerji gücünü təmin etməyə imkan verəcək. İnşa ediləcək bu obyektlər 52.44 kvadrat kilometrlik sahədə yerləşəcəklər.
“Birləşmiş Ərəb Əmirliklərində Masdar şirkəti tərəfindən hazırlanmış bu rekord miqyaslı layihə 10 000-dən çox yeni iş yerinin yaradılmasına imkan verərək innovasiyalar ilə iqtisadi yüksəlişi stimullaşdıracaq” - deyə layihənin müəllifləri qeyd ediblər. Məlumatda qeyd edilib ki, bu layihə çərçivəsində ərsəyə gətiriləcək elektrostansiya həm gündüz həm də gecə fasiləsiz şəkildə təmiz enerjini ötürməklə bərpa olunan enerji mənbələrinin qeyri-stabillik problemlərini aradan qaldıracaq. Qeyd etmək lazımdır ki, sözügedən layihənin dəyəri 6 milyard dollar təşkil edir və onun 2027-ci ildə yekunlaşdırılaraq istifadəyə verilməsi nəzərdə tutulub. Layihə Birləşmiş Ərəb Əmirliklərinin 2050-ci ilə kimi olan energetika strategiyasının bir hissəsinə çevriləcək.